Cjucja forti lu ventu di marzu
e tagghia la facci russa e affriddata
la negghia di mari m'attuppa lu cori
chi senza la curpa a lavuru nì forzu.
La chianta nova
d'appena un annuzzu
ammuccia ancora anticchia scantusa
lu tenniru abbiu di la fini di marzu
e comu cjatu di matri accurata
c'arripara lu stoccu
a mmirnata friddusa.
Lu viddanu tantu sapienti
e di vecchia e dilicata zappetta
ci scippa la fratta
e cu tanta e santa prisenza
c'acconcia la conca
pi l'urtima conza.
15/03/2022. Diritti riservati.