Strica terra nta lu pettu
e addinocchiati a la morti
chi ti strinci forti m'pettu
e chi mischi a li to carti.
Abbrucja ligna
chidda dura
e stenni n'celu la pacienza
quannu stampi morti n'ta li mura
scurdannu tulliranza a la nnuccenza.
Abbrucia ligna a pintimentu
e arrustici lu cori
senza sfrazzu e senza festa
abbrazzati a la cruci
comu fussi mennula a li cjuri
abbrucia ligna
chidda dura
e metti cinniri a la testa.
02/03/2022...Diritti riservati.