Stiamo vivendo dei tempi duri (tra Covid e Guerra)... davvero molto duri. E ancora non si fermano, e la carne che brucia, è sempre dei civili inermi.
Giarra cjaccata... di Francesco Saverio Bascio.
La giarra si cjaccà!
e l'ogghju novu chi si smuria
sbommica lu cjavuru e si lu perdi
e mentri curri terra terra...
la carni già s'appizza a la paredda...
senza guerra dichiarata
senza scrusciu ne passiu
ne vasuni a l'ammucciata
chi s'attarda a la vanedda.
La quarara è bedda ranni
ma un teni chiù tutta la so conza
e si cerni nta lu crivu
dd'anticchjia di spiranza siddu scappa!...
o pi puru casu si n'avanza.
Nchiusi... senza sonnu
nchiusi...e senza quannu
Nchiusi...dintra la quarara
chi strinci la misira e scarsa carni
cu tutti li so chiai
dintra l'urtimu quarquaruni...
e quannu u'nnì pò chiù...
nesci li so corna
scanza lu cuvecchiu
si scarta lu chiù scottu
assemi a lu chiù vecchiu
e sbommica di fora.
16/03/2020. Diritti riservati.