Momenti rurali della mia vita di tantissimi anni fa. Ricordi di affetto indimenticabili. Con poco, senza opulenza, ma la ricchezza di una famiglia, era ed è ineguagliabile per me.
La strata mastra era nura di cialoma
stanca di carretti
di zotti zuffi e vinnitura
la lanterna a citalena
pigghiava allustru a la scurata.
Lu purtuni era vecchiu
arripizzatu
e ntà lu fermu
mancava di l’acchittu
pirdia ventu di li ngagghi
e rucculusu ntà lu ncasciu
si chiuria a vanidduzza
e a tracchettu lu puntiddu
ntipava ntà lu corcu
di carenti firraggiaru.
La scala vecchia chi purtava a li sulara
facja ummira cu lu micciu nta lu tettu
e la conza misa ncapu a fucularu
spagghiava a la ghiuttena
lu cjavuru di lu cottu.
P'amuri
no pi mancanza di lu largu
a tavulinu stritti stritti
braceri sutta circu ncapu
e robbi cavuri pi tutti
nuddu sparagnu ntà sti cosi
ne a carizzi o a milli vasi.
A tavula a lu spissu
tumazzu e passuluna
arricchianu la consa
comu fussi nà curuna
e me patri accussì bonu
pi un si diri ch'era piccatu
a calia mennuli e ficu sicchi
ci dignava cumpagnia
cu un muccuneddu di vinuzzu.
Ntà lu cantu a la so vucca
abbunnava sempri la risata
e senza prescia pi la schina
nta lu calu di la luna
s’aspittava l’acquazzina.
Diritti riservati